Pirmin, gogoan gaur Euskalduna Tabernan

Eszenatokietatik lesio baten ondorioz erretiroa hartu zuenean Portugalen bere izeneko dantza eskola ezarri zuen eta bertan ihardun lanean; hamaika dantzari bikain sortu da Porton zuen eskolatik. 2003an itzuli zen Pirmin Treku bere jaioterrira, Zarautzera, eta bertan hil zen 2006ko uztailaren 13an, 76 urte zituela.

Hau dela eta, gaur bertan 19.00etan hasita, haren herio-tzaren lehen urteurrenarekin batera, omenaldi apal bat egingo diote Zarauzko Udalak eta Kafe Torero kultur elkarteak. Berari buruzko argazki erakusketa prestatu du Ramon Serrasek Euskalduna Tabernan. 32 argazki inguru izango dira, eta Pirmin Trekuren ibilbide pertsonal eta artistikoaren ikuspegi ahalik eta osatuena eman nahi dute. Era berean, 10 minututako bideo bat eskainiko da, batez ere Londresen eta Porton buruturiko bere lanaren irudiak ekarriko dituena bere figura eta, batez ere, erbesteko haren iharduera azalduz. Azkenik, Garbiñe Aizpitarte, Mireia Alberdi eta Xabier Auzmendiren hitzaldi-kolokioa.