Dokumentuaren akzioak
'Performance'-a eramango du dFeriara Sleepwalk Collective-k
Bilboko ACT jaialdian iaz saritutako pieza taularatuko du konpainiak Viktoria Eugeniako Club-ean
Oso bestelako lana erakutsiko du La Pavana konpainiak. 1977an Ettore Scolak zuzendu zuen Una giornata particolare
filma egokitu, eta antzezlan bihurtuta taularatuko du, 18:00etan,
Antzoki Zaharrean. Jatorrizko obrak Mussoliniren menpeko Italian
girotutako istorioa kontatzen du, baina La Pavanak frankismo garaian
kokatu du kontakizuna. Faxismoaren ondorioak jasaten dituzten bi
bizilagunen arteko harremana da obraren ardatza. Vaiven konpainiak,
berriz, genero indarkeriaren gaia jarriko du mahai gainean Duda razonable ikuskizunarekin. 20:00etan Victoria Eugenia antzokian eskainiko du lana.
Bi dantza ikuskizun
Dantzari dagokionean, bi ikuskizun ikusi ahalko dira gaur Donostian. Batetik, Karrikan ikuskizun berria prestatzen ari da Kukai konpainia, eta hura osatzen duten hiru koreografietako bat aurkeztuko du, Sorbatza. Viktoria Eugenia Antzokiko Club aretoan izango da emanaldia, 13:45ean. Natxo Monterok, berriz, Carni di prima qualitá dantza ikuskizuna eskainiko du Egiako Gazteszena aretoan, 12:30ean.
Haurrentzako ikuskizunik ere bada gaurko egitarauan. Behibi's konpainiak Historia de papel eskainiko du Lugaritzen, 11:00etan, bost urtetik gorako umeentzat.
Dokumentuaren akzioak