Pasaiako Dantza Festibalean parte hartu nahi?

Pasaiako Dantza Festibalaren zazpigarren ekitaldia motorrak berotzen hasi da. Datorren ekainaren 5tik 8ra egingo dute, eta dagoeneko Haatik Dantza Taldea eta Pasaiako Udala lanean hasi dira. Aurtengo edizioan parte hartu nahi duten Euskal Herriko sortzaile eta dantza konpainiei deialdia egin diete. Jaialdiaren egitaraua osatzeko proposamenak bidaltzera deitu dituzte. Hauek, besteak beste, “euskal konpainien eta berauen sorkuntza ezberdinak ezagutzeko baliagarria” izango dela diote antolatzaileek.

Aurten ere “jaialdi parte hartzaile, parekide eta integratzailea” asmoarekin egingo dute lan, “dantza gizarteratzeko eta ikusle berriak erakartzeko”, besteak beste. Dantza sortzaileen lanak erakusteaz gain, “bide ezberdinen bidez dantza herritarrei hurbiltzeko” tailer, erakusketa eta hitzaldiak ere izango dira.

Aurkeztutako proposamenak iraupen motz zein ertainekoak ahal dute izan, kalean zein ezohiko espazioetan eskaintzeko sortutakoak.

Izena eman nahi dutenek inprimaki hau bete beharko dute. Informazio gehiago jasotzeko, helbide honetara idatzi daiteke.