2017an zehar film honen hainbat eszena grabatzen dabiltza Euskal Herriko hainbat txokoetan, dantza talde ezberdinekin. Tartean dira usurbildarrak ere. Aurreko asteburuan, Leitzan (Nafarroa) izandako grabazioetan parte hartu zuten Orbeldi Dantza Taldeko kideek Añorgako Arkaitz dantza taldekoekin, beste hainbat talderekin batera. Proiektu honetan guztira, 8-82 urte arteko 250 agertuko dira. Besteak beste, Donostia, Iruñea, Eibar, Elgoibar, Deba, Añorga, Beasain, Zarautz, Portugalete, Gasteiz, Andoain, Baigorri, Astigarraga, Mallabia… udalerri guztiotako eta gehiagotako dantzariak.
Leitzako grabazioan bertan atera zuten talde argazkia duzue ondokoa. “Dantza” filma, 2018an estreinatzea aurreikusten dute. Albiste honi atxikitako bideoan duzue, urtebete barru ikusi ahalko dugun ikus-entzunezkoaren aurrerapentxo bat.
