Dokumentuaren akzioak
Oñatiko kaleak lepo bete dira beste behin Corpusetako prozesioan
Aparteko arazorik gabe egin dute Corpusetako prozesioa Oñatin, tradizio luzeari jarraituz. Hori bai, bero handia egin du. Ibai Gonzalezek bigarren aldiz bete du San Migelen papera. Meza nagusia Joxean Larrañaga parrokoak eman du eta hau bukatzean, prozesioari ekin diote, dantzarien laguntzarekin.
11:00etan hasi dira San Migel janzten, Santa Ana antzokian, eta beranduxeago jantzi dituzte apostoluak. Bitartean, meza nagusia izan da lepo beteta zegoen San Migel parrokian. Dantzariek aldarean egin duten ohiko dantzarekin bukatu da meza eta prozesioa hasi da ondoren, ohiko elementu guztiekin.
Dokumentuaren akzioak
