Oinkari dantza taldeak ekitaldiak antolatu ditu 30. urteurrena amaitzeko

Iparraldeko Leinua dantza taldearekin batera abenduak 17an emanaldia eskainiko dute

Abenduaren 17an, gaueko 22:30ean Hiriburuko (Iparraldea) Leinua eta herriko Oinkari dantza taldeak dantza emanaldi berezia eskeiniko dute Olaederra kiroldegian.



Roger Goyhenechek zuzentzen du Leinua dantza taldea eta beraien azken ikuskizuneko Gorriak eta Beltzak eta Gernika taularatuko dizkigute Iparraldeko dantza talde honek. Oinkari dantza taldeak berriz, Oroituz ikuskizuneko hainbat atal eskeiniko ditu, tartean bitxikeriak ez direlarik faltako. Sarrera dohain izango da.



Bestalde esan, Abenduaren 18an, igandea, Oinkari dantza taldetik igarotako guztiei zabaldurik dagoen bazkari eder bat ospatuko dela Asteasuko Sarasola sagardotegian.



Bazkarian zehar hainbat sorpresa izango dira, proiekzioak, etab... Bazkal ondoren berriz erromeria ospatuko da sagardotegi bertan. Izena eman nahi duenak dei dezala 660.139.380 telefonora edo bestela astearte eta ostiral arratsaldetan Ikastolako ganbaratik igaro dadila.