Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Oinkari Dantza taldea bihar Tolosako Leidor Antzokian

Dokumentuaren akzioak

Oinkari Dantza taldea bihar Tolosako Leidor Antzokian

Hika taldearekin batera 'Itsasoaren emazteak' azken lana aurkeztuko du

'Amantalen Ahotsa' ikuskizunean egin zuten topo lehen aldiz Oinkarik eta Hikak. Lana bezain ederra izan zen bien arteko harremana, hasiera hasieratik, eta haren fruitua izango da bihar Leidorren ikusi ahal izango dena, 'Itsasoaren emazteak'.
Egilea
Imanol Arratibel
Komunikabidea
Diario Vasco
Tokia
Villabona
Mota
Albistea
Data
2013/07/11
Lotura
Diario Vasco

Bikote bezala sartu ziren burubelarri Euskal Herriko kostaldeko arrantzaleen emazteen bizipenak euskal dantzak oinkarri hartuta kontatzea helburu duen lan honetan. Proiektuak forma hartu ahala, bidelagun gehiago izan dituzte. Musikari dagokionez, benetan azpimarratzekoa Pello Ramirezen lana. Emanaldia osotasun batean biltzen duen musika espresuki prestatu duelako. Gainera, bera izango da zuzenean izango ditugun musikariak (Angel Unzu, Xabier Zeberio, Fredi Pelaez eta Pello Ramirez bera) zuzenduko dituena. Bi aktorek, Agurtzane Intxaurraga eta Miren Gojenolak, eramango dute emanaldiaren haria, itsasoaren emazteen paperetik, historia lehen pertsonan kontatuz.

Taula gainean beraz, 55 dantzari, 4 musikari eta 2 aktore, itsasoaren olatuen joan-etorrian, sentimentuekin dantzan. Emanaldia 22:30ean hasiko da eta sarrerak eskuratzeko bi modu dituzue: www.kutxasarrerak.com webgunea edo Leidor Aretoko Leihatila.

Oinkari Dantza taldea bihar Tolosako Leidor Antzokian

Oinkarikoak entseguetako batean.

Dokumentuaren akzioak