Dokumentuaren akzioak
Oinarinek inauteri domekako festari eutsiko dio hilaren 22an
Inauteri domekako kalejira goizeko hamarretan hasiko da.
Hartzak, tximinoak eta domadoreak ere hartuko dute parte. Herriko
plazako dantza saioa, berriz, eguerdiko hamabi eta erdietan hasiko da.
Oinarineko neska-mutikoak ere ariko dira ekitaldi horretan.
Dantzan ibilitako lagunek elkarrekin bazkalduko dute eta jaiak arratsaldean segiko du herriko kaleetan.
Bi egun lehenago, egubakoitzean -hilaren 20an- eskolan
ospatuko da inauteria. Arratsaldeko lauretan txokolate-jana egingo da
neska-mutikoentzat. Hiru ordu laurden geroago, bostak laurden
gutxiagotan, Zirika Zirkus pailazo taldeak bere saioa eskainiko du
frontoian.
Dokumentuaren akzioak
