Nicolas Barneix dantzari gaztearen heriotzaren ondotik dolua Santa Grazin

Doluzko egunak dira Santa Grazin. 25 urteko gazte bat bide istripuaren ondorioz hil zen iragan asteburuan. Gaztea Nicolas Barneix zen. Ostiral gauean bere osaba baten etxean afaldu ondotik bere etxera sartu zen, larunbat goizean ehizara joateko hitzordua egina bazuen. Ehizako lagunek eman dute lehen abisua eta bere etxean ez zela ikusita bere seka joan dira. Nunbait etxeranzko bidean, gidatzen zuen autoa errepidetik irten eta zuhaizka batzuen kontra trabatua geratu zen Bertan hil zen Nicolas Barneix.

Nicolas Barneix ezaguna zen oso. Atharratzeko EMRCan lan egiten zuen. Hortaz gain atxikia zen oso euskal kulturari eta zonbait herri ekimenetan parte hartzen zuen. Santa Engraziko dantza taldeko kidea zen eta Amaiur emankizunean parte hartu zuen.

Dantzan.com atarian 2011ko Maskaradan zamaltzaina dantzatu zuen gaztearen omenez bideo ejerra zabaldu dute.

( Hildako bat Ziburun. 29 urteko gazte bat hil da, atzo gauean, Ziburun izandako auto istripu batean. Autoak espaloi baten kontra jo eta errepidearen bestaldera irauli egin zuen ).