14 urte bete berriak dituela, Onditz Esnaola dantzan bete-betean murgilduta dabil. Lehen pausoak eman zituen herriko Otsolar taldeaz gain, Villabonako Oinkarin ere aritzen da hainbat proiektu eta ikuskizunetan parte hartuz dagoeneko. Txapelketetan ere buru-belarri dabil, eta dantza tradizionaleko formakuntza, balleta eta dantza garaikidearekin uztartzen du.
Denboraldiko lehen Oinak arin honetan, bere dantza ibilbide labur bezain biziaren inguruan eta etorkizunari begira dituen erronkez aritu gara solasean.
