Mutxikoen saltoak ikusgai, igandean

Arrangoitze Mutxiko Egunaren karietara, 'Aintzina' disko berria aurkeztuko dute

Sorkuntza horien entzuteko aukera izanen da goizetik, 11:00etan 13 mutxikoak emanen baitituzte Arrangoitzeko plazan. Lehenago, Betti Beteluren hilobiari bisita eginen zaio, Lapurdiko jauziak berpiztuz lan oroigarria egin zuena omentzeko.

Zintzur bustitze eta bazkari on batetik landa, dantza emanaldia eskainiko du Ibarrako (Gipuzkoa) Alurr konpainiak, 17:00etan. Ondotik, mutxikoak, nola ez, eta erromeria Punpeka taldearekin, 18:30ean hasita. Beldurrik gabe hurbiltzea eskatu dute Iparraldeko Dantzarien Biltzarraren antolatzaileek, diru arazoen konpontzeko laguntza behar baitute.

Zer: Mutxiko Eguna.
Noiz: Igandean.
Non: Arrangoitze (Lapurdi).