Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka "Mutil-dantza baztertzaileen" aurrean, Elizondoko bestetan herritar guztiak deitu dituzte plazan dantzatzera

Dokumentuaren akzioak

"Mutil-dantza baztertzaileen" aurrean, Elizondoko bestetan herritar guztiak deitu dituzte plazan dantzatzera

Elizondoko bestak datoz eta soilik gizonak onartzen dituen mutil-dantzarik jada ez dela programatzen gogoratu du Plazara Dantzara ekimenak, baina talde batek jarraitzen duela bestetan mutil-dantza baztertzaile saioak egiten, eta plaza hartzera deitu ditu herritar guztiak, “dantza parekidea eta librea erdigunean paratzea” helburu.
Komunikabidea
Argia
Mota
Albistea
Data
2022/06/14
Lotura
Argia
Mutil-dantzak Baztandarren Biltzarrean, Elizondon, 2015ean. Argazkia: Oier Araolaza (dantzan.eus)

Alde ona azpimarratu du ekimenak: dagoeneko herriko bestetan ez da programatzen emakumerik onartzen ez duen mutil-dantzarik. Alde txarra, dio, Baztango Mutil-dantzariak taldeak mutil-dantza baztertzailearen saio bat edo gehiago kontraprogramatu zuela 2019an, azkenekoz bestak ospatu zirenean. “2019an dantza hartan sartzea erabaki genuen, eta emakumeak mutil-dantzetan onartzen ez dituen gizon taldeak gurekin dantzan segitu zuen”.

Aurten ere, “bazterketa betikotzeko azkenengo saiakera” horien aurrean herritar guztiak herriko plazetan dantzatzera gonbidatu nahi dituzte, “batzuek bazterketa betikotu nahi badute ere guk herritarren arteko aniztasuna, askatasuna eta berdintasuna betikotu eta ospatu nahi dugulako".

Bereizketarik eta bazterketarik gabeko bestak aldarrikatu dituzte, “erasorik gabe eta libre ibiltzeko bestak”.

Dokumentuaren akzioak