Dokumentuaren akzioak
Musika eta dantzaren bidez, elkartasuna adierazi diote Palestinari Donostian
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza Eskolarekin eta Euskal Herriko Musika eta Dantza Eskolen Elkartearekin lankidetzan egin dute ekitaldia, eta jende andanak hartu du parte. Izatez, urtarrilaren 25ean egin behar zuten, baina eguraldi txarragatik bertan behera utzi behar izan zuten orduan.
Oihana Maritorenak, Tessa Andonegik eta Ainhoa Aierbek gidatuta, emanaldi kolektibo bat izan da, non musikari eta dantzariek Palestinaren zauriak abesti hunkigarria interpretatu duten, Juantxo Zeberiok eta Jon Elizaldek konposatua, Karlos Linazasororen letrarekin.
Beste pieza nagusietako bat Mikel Laboaren Txoria txori abestiaren interpretazioa izan da, “askatasunari eta herriarekiko loturari buruzko ereserki” gisa. Era berean, Mendian gora kanta abestu dute, Xabier Amurizaren letrarekin eta Imanol Larzabalen musikarekin.
Milaka pertsonek egin dute bat genozidioaren aurkako ekitaldi honekin. Hona hemen argazkiak:
Dokumentuaren akzioak
