Musika eta dantza, jaien bukaeran

Brokel dantza erakustaldia izango da bihar goizean

Bihar goizean, diana izango da Jose Inazio Ansorenak zuzenduriko Txistularien Udal Bandarekin. Ondoren, Iñaki Egurenen zuzendaritzapean, brokel dantza izango da auzoko hainbat lekutan. Aspaldikoa da brokel dantza eta oso ikusgarria da. Berez, hainbat dantzez osatua dago. Dantzariak bi lerrotan jartzen dira, aurrean buruzagia dutela. Zenbait dantza esku hutsik egiten dituzte eta beste zenbait dantza tresnen laguntzaz: zintak, uztaiak, makilak, brokelak...