Musika, dantza eta antzerkia izango dira Gaiarre antzokian

Udaberriaren sagaratzea ballet klasikoa eskainiko du, esaterako, Heddy Maalem dantza konpainiak. Stravinskiren partitura du lan horrek. Frantzian jaiotako jatorri afrikarreko dantzariak eta Nigeria nahiz Senegalgoak dira konpainia horretako dantzariak.

Pasion Vega eta Lila Downs kantarien emanaldiek beteko dute musikaren alorra. Biek ala biek dute ahots indartsu eta berezia, eta biek ala biek jotzen dute sustraietako musikara gero euren ekarpena egiteko. Lehenak flamenko eta kopletan du iturria; bigarrenak, Mexikoko herri musikan.