Getxoko Itxartuko dantzariak izango dira jaialdia irekitzeko ardura izango dutenak, uztailaren 19an. Taldea sortu zenetik, euskal dantzak eta kultura etengabe berritzeko aukera eman dute, dantzari berrien prestakuntzan egiten duten lanari esker.
Hurrengo egunean, uztailaren 20an, Hungariako dantzez gozatzeko aukera egongo da. Nagyidako Ilosvai dantza folklorikoa 1951n sortu zen, eta bere helburu nagusia da Hungariako goi-lurraldeetako dantza folklorikoaren kultura irudikatzea, bai herrialdean, bai atzerrian. Tradizioekiko errespetua da bere jardunaren ezaugarri nagusia.
Azkenik, hilaren 21ean, Kazakhstango Naz folklore konpainia igoko da oholtzara, herrialde erraldoi horren milaka urteko tradizioagaz eta giza balioakaz harmonian dauden kantuak eta musikak gerturatzeko getxoztarrei eta bisitariei.
