Dokumentuaren akzioak
"Mugalariak"-en bigarren deialdia abian da
Donostia 2016 Fundazioak, Donostia Kulturarekin batera, Théâtre des Chimèresekin lankidetzan, eta Akitania-Euskadi Euroeskualdearen laguntzarekin, sorkuntza-prozesua, osorik edo parte batean, 2014ko abendua eta 2015eko azaroa artean egingo duten bost proiektu eszeniko hautatu eta babestuko ditu. Lehenengo edizioan bezala, artista, ekipamendu eta herritarren arteko harreman-eredu berriak proposatzen dituzten proiektu eszenikoak lagunduko dira. Proposamenak igortzeko epea 2014ko abenduaren 10ean amaituko da.
Lehen deialdian hautatutako bost proiektuetan bitartekaritza-jarduerak antolatzen ari dira dagoeneko.
Honako hauek dira lehen deialdian hautatutako bost konpainiak eta euren proiektuak:
- Elirale, "Satie-ka";
- Dantzaz konpainia, "Txoriak";
- Artedrama, "Etxekoak";
- Rouge Elea, "Zuek";
- Itziar Elias, "Eskutitzak".
Halaber, deialdi bat jarri da martxan, 2014ko abendua eta 2015ko azaroa artean aurreikusita dauden hainbat proiektu eszeniko lagunduko dituena. Proposamenak jasotzeko epea 2014ko abenduaren 10ean amaituko da.
Dokumentuaren akzioak
