Mikel Alvarez Sarriegi (zinema zuzendaria): "Dantzaz dokumental asko egin dira. Gakoa tradizioaz eta ezarritako rolez gogoeta eginaraztea da"

Dantza eta tradizioa estu lotutako kontzeptu bi dira. Genero rolek ere eztabaida piztu dute eta piztuta mantentzen dute oraindik Nafarroako hainbat herri eta plazatan. Guretik gertu, Beasainen, soka-dantza maisua zen Paxatxo. “Molde zaharreko maisua” omen zen. Bere heriotzak gogor astindu zuen herria eta azken urteetan oztoporik gabe garai berrietara egokitutako ohiturak etorkizunari begira jarri ditu. Tradiziorik egon liteke maisurik gabe?

Horretaz gogoeta egiten du Azken dantza maisua lanak. Mikel Alvarez Sarriegi ekoizle, zuzendari eta Paxatxoren iloba Irrintzi Plaza saioan izan da.