Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Maskaraden bira otsailean abiatuko dute Zalgizeko gazteek

Dokumentuaren akzioak

Maskaraden bira otsailean abiatuko dute Zalgizeko gazteek

Otsailaren 2an Zalgizetik abiatuko da maskaraden denboraldia. Iaz, Gamare-Zihigako gazteek antolatu zuten 2013ko maskaraden bira eta aurten, Zalgizeko gazteei tokatu zaie, Iruri ondoko herrixkakoekin batera. Xiberoko hainbat herrira dantza ikusgarria eta "predikua" uztartzen dituen ihauterietako besta aurkeztuko dute gazteek, eta orotara hamahiru agerraldi antolatuko dira. Esan bezala, lehena Zalgizen izanen da otsailaren 2an eta azkena, maiatzaren 10 edo 11an Irurin izanen da. Jean Etchegoyhen iruritarrak aurtengo maskarada plazaratu dadin lan handia egin du. Aurtengo arrola nagusietan, Arnaud Basahon Kabana handia izanen da eta Pitxu famatua Be�at Larroryk eginen du. Barrabasen buruzagi den Buhame jauna Bettan Hoki izanen da. Horrez gain Joel Codega Jauna, Audrey Queheille Anderea, Fabrice Etchegoyhen Laboraria eta Fabienne Queheille Laborarisaren arroletan izanen dira. Aurten ere, Xorrotxen jokoan neskak izanen dira, horrela izan baittzen joan den urtean ere Gamere Zihigako maskaradan.
Komunikabidea
Kazeta.info
Mota
Albistea
Data
2014/01/17
Lotura
Kazeta.info

Maskarada berriz biziarazteko, bertako jendeek tradizioa eta modernismoa nahasten jakin izan dute eta pastoralarekin batera, maskaradak arrakasta handia ukaten ohi du Xiberoan eta orokorrean Euskal Herri osoan. Xiberoko maskarada ohitura horietan garrantzitsuena eta hobekien zaindua izan dena da.

Bi taldez osatzen da, alde batetik ongi jantziak diren gorriak zamalzain famatuarekin (erdi-gizon, erdi-zaldi) aurkitzen dira. Dantza maila ona eskatzen duten dantzak ematen dituzten gorriek. Beste aldetik, beltzak basatiagoak dira eta bortitzago eta lizunkiago dantzatzen dute.

Aurtengo maskaraden egutegia kasik osoki erabakia baldin bada, gazteek errepikatzen segitzen dute, otsailaren 2an prest izateko.

Egutegia
Otsailaren 2an : Zalgizen

Otsailaren 9an : Ahtarratzen

Otsailaren 16an : Ainharben

Martxoaren 2an : Altzurukun

Martxoaren 9an : Eskiulan

Martxoaren 16an : Idauze-Mendin

Martxoaren 23an : ez da oraindik erabakia

Martxoaren 30ean : Alozen

Apirilaren 6an : Hokin

Apirilaren13an : Altzain

Apirilaren 20an : Barkoxen

Apirilaren 27an : Urdinarben

Maiatzaren 4an : Gamare-Zihigan

Maiatzaren 10 edo 11an : Irurin

Orotara 13 agerraldi aurkeztuko dituzte Zalgize eta Iruriko gazteek. Argazkia Gaizka IROZ

Dokumentuaren akzioak