Makila-dantzen biltzarra Ablitasen

Ondoeza sentitu, eta bat-batean hil zen Pedro
Santos dantzaria. Hura gogoratu nahirik, makila-dantzen jaialdia
antolatu dute Ablitasen. Tuterako, Ribaforadako, Monteagudoko,
Cortesko, Iruñeko eta Urretxuko dantzariek parte hartuko dute biltzar
berezi horretan.<br />
<br />
Oroitzapen samina izanagatik, jai egun alaia izan nahi dute Ablitasen.
Arratsaldean taldeak auzoetan ibiliko dira, kaleetan dantza egin eta
herritarrek eskainiko dieten ardo dastaketekin gozatuz. 18:30ean
herriko plazan talde bakoitzak makila-dantza bana egingo du eta Pedro
Santosi omenaldia egingo diote.<br />
<br />
Ablitasko plegoa<br />
<br />
Ablitasko plegoaren jaiaren inguruan antolatu dute makila-dantzen
biltzarra. 11 urte dira Ablitasen plegoaren dantza eta jaia martxan
jarri zirela. Mendianike dantza taldeak birsortu zuen plegoaren dantza
eta hamarkada oso baten buruan erabat errotuta dago Ablitasen.
Ablitasko gizon batek XX. mende hasieran egin ohi zuen jolas batetik
abiatuta, irri-dantza bat osatu zuten Mendianikeko kideek. Dantzari
batek egunkari pusketa bat jartzen du ipurdian eta beste dantzari batek
su emateko ahaleginak egiten ditu.<br />
<br />
Apirilaren 2an, igandean, dantzatuko dute plegoaren dantza, eta 30
bikotek baino gehiagok parte hartuko dute emanaldian. Ondoren, dantza
taldekoak ez diren ikusle guztiek ere plegoaren dantzan parte hartzeko
aukera izango dute, herritar guztiei irekita egingo baita, bigarren
aldiz, plegoaren dantzan.Nafarroako Gobernuak antolatzen duen Escena
dantza jaialdiaren emanaldi batekin borobilduko dira Ablitasko
apirileko lehen asteburuko ekitaldiak. Addictos Breakdance eta Logela
Multimedia taldek Klonk izeneko ikuskizuna eskainiko dute.<br />
<br />
<br />
Makila-dantzen biltzarra Ablitasen<br />
- Zanpantzar peña Beterri (Tutera)<br />
- Duguna dantza taldea (Iru-ñea)<br />
- Mendianike dantza taldea (Ablitas)<br />
- Ribaforadako dantza taldea<br />
- Iruña taldea (Iruñea)<br />
- Tuterako dancea eta paloteadoa (Tutera)<br />
- Monteagudoko dantza taldea<br />
- Cortesko Yona dantza taldea<br />
- Lurra dantza taldea (Urretxu)