Maitaldian zortzi herritako konpainien piezak izango dira

Hilaren 12an hasiko den jaialdian, besteak beste, Brasilgo Bale da Cidade eta Mazedoniako Opera ariko dira

Horretarako, herri askotatik ekarriko dituzte konpainiak Miarritzera: Senegal, Portugal, Brasil, Frantzia, Israel, Mazedonia, Ukraina eta Espainiatik, besteak beste.

Hamar egunean, Maitaldiak mila bat artista bilduko ditu. Festibalak ohikoak dituen lau agertokietan ariko dira denak: Gare du Midi, Colisee, Casino eta Atabalen.

Maitaldian ariko diren konpainien artean daude Brasilgo Bale da Cidade eta Portugalgo Paulo Ribeiroren konpainia. Dualidade, Canela Fina y Perpetuum eta Femenina piezak eskainiko dituzte, hurrenez hurren, Gare du Midin eta Casinon, hilaren 14an. Germaine Acognyren Jant-By konpainiak Senegalgo eta Japoniako dantzak uztartzen dituen pieza emango du, hilaren 16an. Bestalde, Kieveko Baleteko dantzariek Bolero eta The Rain lanak eskainiko dituzte, hilaren 18an.