Maisuaren koreografiak taulan

Gustavo Zajac koreografoak irakatsitako dantza ikuskizuna emango dute gaur Donostian

Iaz izan zen lehenengo aldiz Zajac Donostian tailerrak ematen. Jardunaldi horietan, beste koreografo batzuen dantza estiloak landu zituzten, baita jazz latinoa, lirikoa eta aurreko hamarkadetako koreografiak ere.

Gustavo Zajacek ibilbide profesional luzea du dantzaren inguruan; hainbat beka jasotzeaz gain, Gypsy eta Cassano Dancing musikaletan aktorea izan da. 2002. urtean, Ten dantza konpainia sortu zuen; hamar dantzarik osatzen dute taldea, eta parte hartzen duten jaialdietan jazz lirikoa eta musika ikuskizunak egiten dituzte. Horrez gain, antzezlanak zuzentzen ibili da azken urteetan, Memorable eta Puerto Buenos Aires kasu.

Gaurko emanaldiak 19:30ean eta 20:30ean izango dira. Ikuskizunetarako sarrerak doan izango dira, eta gonbidapenak antzokiko leihatilan jaso beharko dira.

GUSTAVO ZAJAC KOREOGRAFOAREN TAILERREN ERAKUSTALDIA

Noiz. Gaur, 19:30ean eta 20:30ean.

Non. Viktoria Eugenia antzokiko Club aretoan, Donostian.