Maialen Mariezkurrena saritua Azpeitiako Dantza Suelto Txapelketan

Azpeitiko Gazteen XV. Dantza Suelto Txapelketan Alurr Dantza Taldean aritzen den Maialen Mariezkurrena elduaindarrak dantzari onenaren saria jaso du

A, Santo Tomas eguna izanik, Azpeitiko Gazteen XV. Dantza Suelto Txapelketa jokatu zen, Sanagustin kulturgunean. Denboraldiari amaiera eman zioten, lehian aritu ziren 18 bikoteek.

Iker Belintxonek eta Maider Aginagak irabazi zuten txapelketa, baina gainerako sarituen artean iritsi zen eskualderako berri ona. Alurr Dantza Taldeko bi bikotek parte hartu dute txapelketa honetan, eta bikote horietako kide batek irabazi zuen dantzari onenaren saria; Elduaingo Maialen Mariezkurrena izan zen saria eskuratu zuena.

Gauzak honela, Alurr Dantza Taldetik jakinarazi dute sari honek "motibatu" egiten dituela, eta aurrera begira, denboraldi berriari ekiteko "indarrarekin eta gogoarekin" daudela adierazi dute.