Luhusoko herria kabalkadaren prestaketan murgildurik

Polliki dantza taldearen bultzadaz, Luhusoko biztanleek egun prestatzen ari diren kabalkada aurkeztuko dute uda hondarrean. 2002Koa izan zen azkena, 3.000 pertsona baino gehiago erakarririk, arrakasta handia izan zuena. Antolatzaileen artean den Christian Echeverriak azaldu duenez, «iaz antolatu nahi genuen, baina Covida hemendik iragan zen eta labur xamarra zen hori egin ahal izateko».

Hala ere, horrek ez zuen gogoa itzali. «Iragan emankizunean parte hartu ez zuten dantza taldeko belaunaldi gazteak biziki motibatuak ziren kabalkada berriz abiarazteko, eta gaur egun, adin guzietako 250 pertsona inguruk parte hartzen dute lan talde ezberdinetan» azpimarratu du luhusoarrak Mediabasken.

Dantza, musika eta kantua, jantzien egitea eta antzerki emanaldia ardatz dituzte lan taldeek. Partaideak astegunetan biltzen dira, gauetan, ikusgarri herrikoi horren ekitaldi ezberdinak errepikatzeko. «Kantu eta dantza berriak eskainiko ditugu okasiorako», aitzinatu du Christian Echeverriak eta gaineratu duenez, «Sebastien Othaburu biolinistak ere musika berri biziki ederrak konposatu ditu».

Bi oreneko kabalkada lehen aldiz agorrilaren 26an aurkeztuko da herriko plazan, 18.00etan, eta bigarren emanaldi bat iraganen da irailaren 2an, 17.00etan. Ikusgarri herrikoiaren ondotik, dantzaldi bat izanen da Adartza taldearekin.

* Erredakzioan itzulia