Lucia Lakarrak San Petersburgoko jaialdiko sari nagusia irabazi du

Bilboko Euskalduna jauregian dantzatuko da maiatzaren 29an, 'Euskaldunak eta dantza' galan

Andoni Arestik zuzenduko du gala, eta Lakarra eta Dinoren aurretik, Oihane Herrero Stuttgarteko Balleteko bakarlaria eta Elvis Val Hannoverko Operako Balleteko bakarlaria dantzatuko dira. Herrerorekin batera, Alexander Zaitsev ariko da, Stuttgarteko Balleteko bakarlaria. Valen bikotekide moduan, berriz, Adeline Pastor izango da Bilbon, Essengo Balleteko dantzari nagusia.

Dantza latioen sariketetan sarri askotan garaile izandako Natalia Garate eta Isidro Zapatero dantzariek parte hartuko dute, orobat, ekitaldian. Baita Verdini Dantza Taldeak ere. Dantzari Gazteen Bilboko Sariketan iaz txapeldun izandako Mar Hernandez Angel Juarezekin dantzatuko da. Txapeldunorde izan zen Juarez lehiaketa horretan.