Londresen emanaldia egingo du Sahatsak irailaren 3an

Madrilgo Fitur turismo azokan izan zuen arrakastaren ondorioz, Euskal Herriko folklorea erakusteko gonbidatu du berriro Sahatsa Dantza Taldea Eusko Jaurlaritzaren Turismo departamenduak. Espainiar estatuko hainbat autonomia izango da Londresko Regent kaleko merkatariek antolatutako azoka horretan. Egun osoko azoka izango da, goizeko 10:00etan irekiko ditu ateak eta arra- tsaldeko 20:00etan itxi. Ingalaterrako hiriburuan ospatuko den azoka jendetsua izango da, bertatik 250.000tik 300.000ra bisitari pasatzea espero dute antolatzaileek egunean zehar.

Araba, Bizkaia eta Gipuzkoako folklorearen adierazgarrienaz osatutako ikuskizuna prestatzen dihardu jada Sahatsa Dantza Taldeak, aipatutako kale eta azoka horretan ohi bezala ikuskizun bizi, indartsu eta dotorea aurkezteko asmoarekin.