Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Lizartzako Otsolar dantza taldeak Erromeria Eguna antolatu du bihar

Dokumentuaren akzioak

Lizartzako Otsolar dantza taldeak Erromeria Eguna antolatu du bihar

12:30etik aurrera, erromeri doinuak nagusituko dira; aurten sagardo eta pintxo dastaketa ere izango dira

Lizartzako plaza inguruan erromeri doinuak hamaika dantzari elkartuko ditu bihar. Otsolar dantza taldeak antolaturik, Erromeria Eguna izango da eta dagoeneko dena prest dute herria euskal doinuekin girotzeko. Aurtengoa hirugarren edizioa da eta egun osoko egitaraua antolatu dute herriko dantza taldekoek. Eguerdiko 12:30ean, herritar guztiei zuzendutako dantzak izango dira plazan. Gero, dantza poteoa egingo da herrian barna. Antolatzaileek aditzera eman dutenez ekitaldi honen helburu nagusia erromeri giroa suspertzea omen da.
Egilea
E.B.
Komunikabidea
Diario Vasco
Tokia
Lizartza
Mota
Albistea
Data
2015/06/05
Lotura
Diario Vasco

Egitarauarekin jarraituz, bazkaria antolatu dute eta eguraldi ona egiten bada plazan bertan izango da. Ondoren, herriko musikarien eskutik kantu saioa izango da.

Gero, arratsaldeko 6etatik aurrera berriz dantzan jarriko dira lizartzarrak eta bertara hurbiltzen diren guztiak, Unsain taldekokein erromeria izango baita.

Indarrak hartzeko 7etatik aurrera sagardo eta pintxo dastaketa egongo da. Hernaniko Alberro, Astigarragako Bereziartua, Adunako Zabala, Igeldoko Calonge, Hernaniko Rufino eta Lizartzako Goikoetxea sagardotegietako sagardoak eskainiko direlarik.

Otsolar dantza taldekoek parte hartu nahi duten herritar guztiei luzatzen diete gonbitea erromerira hurbil daitezen, baserritar jantziekin. Giro ezin hobea izango dela ziurtatzen zuten eta eguraldi lagun egun eder bat pasatzeko aukera paregabea.

Dokumentuaren akzioak