Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Lesakako sanferminak... Iruñean ere bai

Dokumentuaren akzioak

Lesakako sanferminak... Iruñean ere bai

Iruñerriko taldeek aurtengoan egindako erakustaldian Lesakako dantzak dantzatu dituzte foruen plazan

Euskal dantzen zaleek urteroko hitzordua izan zuten atzo 13:30etan foruen enparantzan. Festak hasi eta ordu eta erdira, plazaren inguruneak jendez gainezka zeuden. Eguraldia ere lagun zuten, hodei batzuk mehatxu egin arren giro paregabean garatu zelako ikuskizuna. Kalejira koloretsu bat eginez agurtu zituzten ikusleak Iruñerriko hamabi dantza taldeek. Txaloka erantzun zien plaza inguruko belardietatik jendeak. Dantzariak belaunikatuta eta ikurrina jira-biraka, urtero jada ohiko bihurtu den irudi hunkigarri bezain ederra.
Egilea
Joxerra Senar
Komunikabidea
Berria
Tokia
Iruñea
Mota
Albistea
Data
2012/07/07
Lotura
Berria

Aurtengoan, Ortzadar, Txori Zuri, Amaiur, Ardantzeta, Duguna, Elordi, Iruña taldea, Harizti, Larratz, Mikelats, Muthiko Alaiak eta Oberenak Lesakako sanferminetako errepertorioa taula gaineratu zuten. Aldez aurretik, emakumezko dantzariek batelera dantza eskaini zuten. Kostaldeko herrietan jatorria duen dantza ikusgarri horretan, dantzariek arraunekin egiten dute dantza. Arrantzalez jantzita, zapia lepoan eta gona zein mahai-oihal koloretsuekin koloreanitzeko dantza izan zen.

Gero, mutilen txanda iritsi zen eta Lesakako errepertorioa hasi zen. Mutilek bi dantza egin ostean, elkarrekin egin zuten dantza neska-mutilek. Ordubete inguru iraun zuen,eta dantzari zein ikusleak elkarrekin larrain dantza dantzatuz amaitu zen.


Giro paregabea atzo foruen plazan. / LANDER FERNANDEZ DE ARROYABE / ARGAZKI PRESS

Dokumentuaren akzioak