Larunbatetik asteartera ospatuko dituzte ihoteak Leitzan

Igande eguerdian aterako dira gurdiak eta astelehen eta asteartean baserrietara iritsiko da pesta

Ilbeltzak 25, larunbata

14:00etan Aurrera elkartean bazkaria izanen da eskean ibiliko direnentzat. 16:00 aldera trikitilari, gaitero eta txistulariz lagundurik, egitaraua banatzen eta eskean hasiko dira mozorroak herriko etxeetan.

Ilbeltzak 26, igandea

12:00etan atsaureak plazatik aterako dira kalejiran Incansables txarangarekin eta gurdiak industrialdetik. Etxeko txikienek txu-txu trenean ibiltzeko aukera izanen dute eguerdi eta arratsaldean. 14:30ean atsauretuek bazkaria izanen dute eskolako jangelan eta 18:00etan Incansables txarangak lagunduta, kalejira abiatuko da eskolatik. 19:00etan Orkesta gizonaren emanaldia.

Ilbeltzak 27, astelehena

09:00etan gazteak elkartuko dira Aurrera parean Gorriztaran, Arkixkil, Sakulu eta Erreka auzoetara eskean joateko. Baserrietan dabiltzan bitartean, herrian, 17:00etan umeen­ kalejira izanen da. Ondoren txokolatada eta goxokiak banatuko dizkiete. Iluntzean­ eta gauean Orkesta gizonaren emanaldia izanen da plazan.

Ilbeltzak 28, asteartea

09:30ean dute hitzordua mozorroek Erasote auzora abia­tzeko eskean. Goizean eta arratsaldean puzgarriak eta jokoak izanen dira haurrentzat. 18:30 aldera Atsaureen kalejira musikaz lagunduta. Ondoren musika izanen da plazan.