II. Ernatu udaberriko dantza zikloa
Joan den urtean bezala, Tantirudantza jaialdia Ernatu udaberriko dantza zikloarekin lotu dute Lesakan. Tantirudantza jaialdiaren ondotik, hurrengo asteburuan hiru hitzordu izanen dira.
Martxoaren 20an, Elirale konpainiaren Bota dantza ikuskizunaren entsegu irekia eginen dute, ortziralean 17:00etan, Harriondoa kultur etxeko atarian.
Martxoaren 21ean eta 22an, berriz, larunbatean eta igandean, Sendaberri Zirkuituko bi emanaldi izanen dira Harriondoa Kultur Etxean. Qabalum dantza taldearen Zarata hori guztia lana ikusgai izanen da martxoaren 21ean, larunbatean 19:00etan eta La Banda Teatro Circoren Nuur ikuskizuna martxoaren 22an, igandean 18:00etan.
Apirilaren 2an, Led Silhouette taldearen azken lana, Ultimatum, ikusgai izanen da Harriondoan, igandean 19:00etan. Ernatu udaberriko dantza zikloa bukatzeko, Tantirudantza helduen emanaldia izanen da apirilaren 18an, larunbatean 18:00etan Plaza Zaharrean. Tantirumairu euskal folklore taldeko dantzariekin batera, Errenteriako Ereintza eta Azpeitiko eta Azkoitiko Sahatsa dantza taldetakoek ere dantzatuko dute.
