Lakarrak argitu du ez duela berak erabaki Donostian ez dantzatzea

Enpresa antolatzaileak utzi dituela Kursaaleko emanaldiak bertan behera eta bera «beste kaltetu bat» dela esan du

Barkamena eta eskerrak

Hedabideetara igorritako ohar batean azaldu du Arts & Events Cosmopolitanen «kudeaketa makurraren beste kaltetu bat» dela bera, eta «barkamena» eskatu die ikusleei. «Enpresa antolatzaileak nire borondatearen kontra harturiko erabakiak eragindako kalteengatik», adierazi du.

Bidenabar, Euskal Herriko publikoari eskerrak eman dizkio Lakarrak, «urteetan emandako babes eta laguntzarengatik».

Donostian baino egun batzuk lehentxeago, hain zuzen, larunbat honetan, Espainiako Gijongo Jovellanos antzokian dantzatzekoa zen Lakarra. Saio hori ere bertan behera laga du Arts & Events Cosmopolitanek.