Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Kulunka Dantza eta Kalean Kantuz taldeek giroa alaituko dute bihar goizean

Dokumentuaren akzioak

Kulunka Dantza eta Kalean Kantuz taldeek giroa alaituko dute bihar goizean

Dantzaren Eguna eta abesteko kalejira, aukera bikoitza izango dute herritarrek

Ez da aspertzeko astirik egongo larunbat goizean Deban. Herriko bi taldek ekintza ezberdinak antolatu dituzte biharko eta eguraldiak laguntzea besterik ez dute espero. Kulunka Dantza Taldeak eta Kalean Kantuz Taldeak eguzkia agertzea nahi dute, noski, euren ekimenak giro onenean aurrera eramateko. Artea nagusi izango da jardunaldi honetan, musika eta dantzari esker.
Egilea
Ion Fernández
Komunikabidea
Diario Vasco
Tokia
Deba
Mota
Albistea
Data
2014/04/25
Lotura
Diario Vasco

Kalean Kantuz taldeak kalejira bat antolatu du biharko, baina ez du nahi bere kideak bakarrik ateratzea. Horregatik, herritar guztiei dei egiten diete parte hartu dezaten. Animatzen direnek abesteko aukera izango dute herriko kaleetatik. Ekitaldia 12:00etan jarriko da martxan Musika Eskolan.

Kulunka dantza taldeak, bere aldetik, urtero bezala Nazioarteko Dantzaren Eguna ospatuko du. Bere taldeko dantzariek beraien eguneroko klase bat kalera aterako dute. Honela, adin ezberdinetako 40 ikaslek dantza klasikoaren ariketak aurkeztuko dituzte Ibaiko pasealekuan. Bertako barandila dantza klasikoko barra bat bihurtuko dute eta ariketak egingo dituzte. Euria egiten badu, iaz bezala, elizako klaustroan ospatuko da ekitaldia.

Kulunka Dantza eta Kalean Kantuz taldeek giroa alaituko dute bihar goizean

Kulunka Dantza taldeko kideak iazko saioan elizako klaustroan. :: DV

Dokumentuaren akzioak