Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Kukaik 'Gelajauziak' estreinatuko du gaur Dantza Hirian jaialdian

Dokumentuaren akzioak

Kukaik 'Gelajauziak' estreinatuko du gaur Dantza Hirian jaialdian

Festibala Donostiatik Baionara bitarteko bederatzi herri eta hiritan egingo da hilaren 29ra bitarte

Dantza Hirian proiektuak gaurtik hilaren 29ra arte doako ikuskizunez beteko du Eurohiria deiturikoa, Donostiatik Baionarainoko tartea. Guztira hamalau konpainia ariko dira Donostian, Donibane Lohizunen, Irunen, Hendaian, Azkainen, Miarritzen, Pasaian, Errenterian eta Baionan, eta, besteak beste, bi euskal konpainiak beren obra berriak estreinatuko dituzte. Kukaik gaur bertan taularatuko du aurrenekoz Gelajauziak, Cesc Gelaberten koreografiarekin. Donostian izango da emanaldia, Konstituzio plazan, 19:10ean. Bihar, berriz, Al Do Project Donostiako konpainiak Retratos de la Belle Époque lana estreinatuko du, 12:00etan, Donibane Lohizunen, Luis XIV.a plazan.
Komunikabidea
Berria
Tokia
Donostia
Mota
Albistea
Data
2013/09/13
Lotura
Berria

Jaialdiko lehen saioak gaur izango dira, Donostian. Yann Lheureux koreografoak Flagrant Délire erakutsiko du Bulebarreko kioskoan 18:00etan eta San Telmo museoan hiru ordu laurden geroago. Olatz de Andresek, berriz, Privolva Landing obra antzeztuko du Bretxan, 18:20ean. Eguneko saioak Kukairen estreinaldiarekin amaituko dira.

Dantza Hirian jaialdian izango dira, halaber, honako konpainia eta koreografo hauek: Judith Argomaniz (Donostia), Iker Gomez (Eibar), Carne Viva. Sofie Dubs (Heleta), Organik (Bilbo), Colectivo Cla (Costa Rica), Alioune Diagne-Compagnie Diagn'art (Senegal), Anakrusa (Donostia), Sara Martinet (Tolosa,Okzitania), La Macana-Unusual Symptoms (Galizia / Alemania) eta Proyecto D-Ruses (Espainia).

Dokumentuaren akzioak