Hemen zaude: Hasiera Hemeroteka Kukai dantza taldea, gaur Zumaian

Dokumentuaren akzioak

Kukai dantza taldea, gaur Zumaian

Nestor Basterretxea artistaren 'Akelarre' izeneko eskulturaren inguruan eraiki dute ikuskizunaren koreografia (20:00etan)
Komunikabidea
Diario Vasco
Tokia
Zumaia
Mota
Albistea
Data
2014/08/05
Lotura
Diario Vasco

 

Zumaiako Musika Jaialdiak aurrera doa. Asteburuan izandako musika saioen ondoren (San Pedro Abesbatza, Gala gauko soul kontzertua, Aita Mari zinea bete zuen The Funamviolistas...), gaur dantza erakustaldia izango da Odieta frontoian Kukai taldearen eskutik, 20:00etan hasita.

Kukai gaur egungo euskal dan-tza munduan dagoen talde garran-tzitsuenetakoa da. Pasa den maia-tzean Zumaian izan ziren, Torreberrin, beraien entsegu saio bat jendaurrean erakusten. Gaur aurkeztuko duten 'Gelajauziak' ikuskizuneko mugimenduak erakutsi zituzten bertan.

Elementu berri eta berezi ugarirekin zipriztindutako proiektua da 'Gelajauziak'. Kalea du abiapuntu, eta plaza izango du elementu guztien bilgune. Ikuskizun honetan Kukai Konpainiak eta Cesc Gelabert koreografo handiak herri dantzei begirada berria emateko batu dituzte indarrak. Haren lekuko eta zelatari orain aste gutxi zendutako Nestor Basterretxea artista handiaren 'Akelarre' eskultura izango da. Artelan ikusgarri horren inguruan eraiki dute ikuskizun honen koreografia.

Kukai Alain Maya, Eneko Gil, Ibon Huarte, Jon Maya, Urko Mitxelena eta Nerea Vesga dantzariek osa-tzen dute. Proiektuaren zuzendaria Jon Maya da.

Kukai konpainiako dantzariek entsegu irekia eskaini zuten maiatzean Torreberrin.

Kukai konpainiako dantzariek entsegu irekia eskaini zuten maiatzean Torreberrin. / ROMATET

 

Dokumentuaren akzioak