Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Kukai Dantza Konpainia “pozik” da Argentinan egindako birarekin

Dokumentuaren akzioak

Kukai Dantza Konpainia “pozik” da Argentinan egindako birarekin

Kukai Dantza Konpainiak hiru asteko bira egin du Argentinan. “Pozik” daude han egindako hamar emanaldiekin. Buenos Airesen hasi zuten itzulia, abuztuaren 21ean, eta Komunikazioa Inkomunikazioa ikuskizunaren hiru saio eman zituzten bertan. “Arrakasta” izan zuela ziurtatu dute dantza konpainiakoek.
Komunikabidea
Errenteriako Hitza
Mota
Albistea
Data
2014/09/10
Lotura
Errenteriako Hitza

Ondoren Tucuman, Jujuy, Salta, Corrientes, Resistencia, Parana eta Rosario hirietan izan dira Gelajauziak eskaintzen, eta, azkeneko hirian izan ezik, denak espazio publikoan izan dira eta Argentinako Antzerki Institutuak koordinatu ditu. “Harrera bikaina” eskertu dute Kukaikoek. Balorazio “oso positiboa” egin dute, “emanaldien mailagatik, jasotako ikusle kopuruagatik, izandako harrera beroagatik eta etorkizunari irekitako bideengatik”.

Lanak ez du etenik

Bihar Gelajauziak saioa eskainiko du Kukaik Donostiako Zuloaga plazan, 19:00etatik aurrera. Uztailan hil zen Nestor Basterretxea artista omentzeko izango da emanaldia. Ostiralean zein larunbatean Tarregan (Herrialde Katalanak) izango dira, bertako antzerki azokan. Urriaren 1ean, berriz, ikuskizun horren areto barruko bertsioa estreinatuko dute Huescan (Aragoi, Espainia).

Dokumentuaren akzioak