Dokumentuaren akzioak
Koldo Zabala dantzaria hil da
1936an jaio zen, Getxon (Bizkaia), baina goiz utzi zuen jaioterria. 36ko gerratik ihesi, Ipar Euskal Herrian igaro zuen gaztaroa, eta han ikasi zuen dantza tradizionala. Oldarra taldean sartu zen 1947an, baina hiru urte geroago prestakuntza klasikoarekin hastea erabaki zuen. Bi urtez Alexandr Volininen ikasle izan zen Parisko Kontserbatorioan. Yves Brieux-Ustaritze ere izan zuen irakasle bertan. Dena den, ez zuen sustraiekiko lotura eten, eta Bordeleko Antzokiko balleteko dantzari izan ondoren, 70eko eta 80ko hamarkadan Oldarra dantzaren erreferentzia bihurtzen lagundu zuen. Irakasle lanetan hasi zen gero Briveko eta Baionako kontserbatorioetan, berriro Oldarrara itzultzea erabaki zuen arte.
Dantzari agertu zen baita Itsasun, Enbataren 50 urteen karietara iazko martxoan, dantzari ere 2011an Mizel Thereten Oroitzen naiz dantza proiektuan, Jean Nesprias eta Philippe Oihanbururen ondoan.
Hona hemen ikusgarriaz:
http://paperekoa.berria.eus/plaza/2011-10-01/046/001/Bizi_arteko_oroimena_.htm
Eritasun baten ondorioz zendu zen igandean. Ehorzketak ostegun honetan izanen dira 16:30ean Miarritzen San Martin elizan. Bisitak Miarritzeko funenariumean egiten ahal dira.
Oroitzen naiz dantza ikusgarriko artxiboko irudia. Jean Nesprias eta Philippe Oihanbururekin, Koldo Zabala erdian
Dokumentuaren akzioak
