Dokumentuaren akzioak
Kirolaren mugimendua edota gogoetarako espazioak
Dantza eta Mugimendu Jaialdiaren barruan, bi pieza eskainiko dira bihar, Iruñeko Kultura, Kirol eta Gazteria Departamentuan: Kirolak eta Soy lo que me rodea.
Lehenengo piezak euskal kiroletan du oinarria. Baserriko lanak izatetik, kirol tradizional bilakatu ziren, eta guztietan lehiakortasunak, trebetasunak, iaiotasunak, erronkak, indarrak, iraunkortasunak markatzen dituzte. Lan honek umore fisikoaren eta zentzugabearen bidez hausnarketa piztu nahi du, bertan agertzen diren pertsonaien arteko egoera dramatikoak edo umorezkoak sortuz. Koreografia eta interpretatzea Helena Lizari, Laida Aldaz eta Marc de Pablo hirukotearen eskutik dator.
Soy lo que me rodea piezaren kasuan, Itsaso Iribarren eta Germán de la Riva antzerkiaren eta ikus-entzunezkoen arloetako artistak beste espazio batean murgiltzen dira. Beren lanetan gogoetarako espazioak sortzen dituzte, gai garaikideen gainean. Oraingo honetan…. “mugitzeak eraman nau ordu eta erdiz Madrilgo kaleetan ibiltzera, banketxe baten eraikinean margo orban bat ikustera, beste gorputz baten zehar eskuekin ibiltzera,….”
Dokumentuaren akzioak
