Kemen Lertxundi kantaria eta 'Malditas' antzerkua gaba beltza 2008 egitarauan

Igandean azkenik, Arima leialen eguna izendatu dute, bertan REC beldurrezko zine emanaldia izango delarik 19:00etan Zabielen. Ekitaldi hauek Udaleko Kultura Batzordeak antolatu ditu, Txantxangorri aisialdi taldea eta Gure Ametsa dantza taldekoekin batera.

Gaztetxean ere bai

Aurreko guztiaren osagarri, Mutrikuko Gazte Asanbladak antolaturik, ostiralean 21:00etatik aurrera bertso afari saioa izango da, Beñat Gaztelumendi, Iñaki Apalategi eta Egoitz Alkorta 'Beano' bertsolarika bertan izango direlarik. Larunbatean berriz, 18:00etan gazteñerriak eskainiko dituzte Beheko Plazan; 20:00etan Talaixako mamuen kalejira izango da Gaztetxetik abiatuta, eta gaueko 22:30etatik aurrera Sarkor eta Keike taldeen emanaldia izango da Gaztetxean bertan. Azkenik gauerdian Ordu beltza ospatuko dute. Mutrikuko Rock Kolektiboa eta Tranpan Gora tabernarien laguntza izango dute gazteek ekitaldiak aurrera eramateko.

Radiestesiaz hitzaldia

Bihar ostegunez hitzaldi interesgarria adierazten da Zabiel kultur etxean 19:00etatik aurrera, bertan Asier Arregi hizlariak Radiestesia, etxearen osasuna gaia jorratuko duelarik. Erradiestesia, ohearen kokapenerako edo eta denbora luzez egon beharreko tokiaren energia, ur korronteak, aldaera geologikoak; failak, fisurak, leizeak eta abarrak aztertuko ditu, edo eta sare energetikoak; sare globala eta sare diagonala besteak beste.