Kemen dantza taldeak Irungo kaleak beteko ditu inauterietan

Biharko, Irungo Atsegiña elkarteak urtero antolatzen duen Kauteretan hartuko dute parte Kemen-eko kideek. Desfile erraldoia egingo dute hiriko kaleetan zehar, eta ijitoaren antzezpenarekin emango diote amaiera biharko festari (San Juan plazan).

Datorren asteko larunbata (hilak 10), Euskal Herriko inauterien ordua izango da. Kemen-eko harrobi diren Adaxka Dantza Taldeko gaztetxoek ohiko dantzak egingo dituzte. Horrez gain, aurten, berritasun bezala, Altsasuko Inauteria Irunera ekarriko dute. Momotxorro (ardi larrua janzten duten eta buruan adarrak dituzten pertsonaiak) eta bestelako pertsonaiek gazte eta ez hain gaztetxoen beldurra eragiten arituko dira, ohiko odolez zikindutako mantal eta zintzarriekin. 12:00etan Pio XII plazatik 200 haur inguru abiatuko dira, Erromes plazan amaitzeko.

Igandean berriz (hilak 11), Puska Biltzea egingo dute. Olaberria auzoko baserri eta etxeak bisitatuko dituzte Kemen Dantza Taldeko kideek, bertako atariak garbituz, etxekoentzat erromeriak antolatuz dota puskak bilduz. Gainera, arin-arin zein fandangoak dantzatuko dituzte, baserritarren gozamenerako.

Kemen dantza taldearen eskutik Euskal Inauteria, Colon pasealekuan.