Dokumentuaren akzioak
Kale ikuskizunak antolatu ditu dFeriak, bere 25. urteurrenean
25 urte bete ditu aurten dFeriak, eta, horregatik, bederatzi kale ikuskizun antolatu dituzte, denak doakoak. Ikuskizun guztiak dFeriaren aurreko larunbatean, martxoaren 9an, egingo dituzte, bost espaziotan banatuta: Alderdi Eder, Bulebarreko kioskoa, Konstituzio plaza, Bulebar-Bretxa eta Bretxako merkatua.
Argazkia: dFeria.
Hainbat ikuskizun mota antolatu dituzte dFeriaren mende laurdena ospatzeko, hala nola, umorea, barra-dantza, akrobaziak eta zirkua. Segidan, kale ikuskizunen egitarau osoa:
- Meeting Point: Ertza konpainiaren dantza ikuskizuna, Alderdi Ederren. 16:30 + 19:00 (15 minutu).
- Yo-Yo: Naoto Okada munduko yo-yo txapeldunaren emanaldia, Konstituzio plazan. 16:55 + 19:25 (15 minutu).
- Topa: Kukai dantza taldearen emanaldia, Konstituzio plazan. 17:10 + 19:40 (15 minutu).
- Men in coats: Antzerki ikuskizuna, Konstituzio plazan. 17:25 + 19:55 (15 minutu).
- Todo encaja: Diziplina anitzeko emanaldia, Bretxako merkatuan. 17:50 + 20:20 (40 minutu).
- Street Pole Dance, Fire and Pole: Meriko taldearen barra-dantza ikuskizuna, Bretxa-Bulebarren. 18:35 + 21:05.
- Begiradak: Sara Alvarez eta Ortzi Acostaren diziplina anitzeko emanaldia, Bretxa-Bulebarren. 18:50 + 21:20.
- Evolucion: CYR SIUX taldeko Cristian Ortizen zirku ikuskizuna, Bretxa-Bulebarren. 19:10 + 21:40.
- Les Amants Flammes: Attrap’Lune taldearen dantza, zirku eta su emanaldia, Bulebarreko kioskoan. 22:00etan (15 minutu).
Dokumentuaren akzioak
