Hemen zaude: Hasiera Hemeroteka Julia Sutton hil da, berpizkunde dantzak euskal dantzekin lotu zituen ikertzailea

Dokumentuaren akzioak

Julia Sutton hil da, berpizkunde dantzak euskal dantzekin lotu zituen ikertzailea

Julia Sutton musikologoa, dantza-irakaslea eta dantza historialaria zendu zen uztailaren 1ean Oier Araolazak Dantzing blogean azaldu duenez. Berpizkundeko musikan eta dantzetan aditua zen Sutton eta garai horretako dantzak euskal dantzekin lotu zituen.
Komunikabidea
Argia.com
Mota
Albistea
Data
2012/07/05
Lotura
Argia.com

Hiru dantza-libururen berrargitalpenak zuzendu zituen: Thoinot Arbeauren  Orchesography(1589), Fabritio Carosoren Nobilta Di Dame (1600), André Lorinen Livre De Contredanse(2008). Frabritio Caroso dantza-maisu italiarren Nobilta Di Dame (1600) liburuareningeleserako itzulpenean argitaratu zuen Suttonek euskal dantzei aipamena.

Suttonek herri-dantzen eta gorteetakoaren arteko lotura zenbaterainokoa den azaldu nahi izan zuen liburu horretako pasarte batean. Mendebaldeko dantzaren historiari begiratuta, baieztatu zuen gorteetako adierazpide artistikoek beti jakin izan zutela folkloretik interesgarriak zitzaizkien ideiak hartzen; eta alderantziz, klase apalagoek ere imitatzen zituztela gustu aristokratikoak.

“Badirudi XVI. mendean gorteetako dantzak eta herri dantzak banatzen dituen lerroa, etxe onekoek dotoretasunari, estiloari eta teknikari arreta gehiago eskaintzeak sortutako banaketa besterik ez dela” idatzi zuen Suttonek. Gainontzean, elementu komun asko ikusten zituen Europa osoan. Italiako tarantella pausoak, Ingalaterrako Morris dantza, Balkanetako eta Greziako dantzak… Denak ere nolabait lotuta zeuden Berpizkundeko gorteetako dantzekin. Ez maila berean, hala ere: “Antzekotasun biziena euskal dantzetako gizonezkoen teknika birtuosoan dago”.


Fabritio Carosoren liburuaren berrargitalpenean lotu zituen Berpizkundeko dantzak euskal dantzekin Suttonek.

Fabritio Carosoren liburuaren berrargitalpenean lotu zituen Berpizkundeko dantzak euskal dantzekin Suttonek.

 

 

Dokumentuaren akzioak