Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Juanito Agirre dantzari, margolari eta zinegotzi ohia hil da

Dokumentuaren akzioak

Juanito Agirre dantzari, margolari eta zinegotzi ohia hil da

EA alderdiko zinegotzi izan zen hainbat urtez Agirre, eta Bilduko zerrendan ere parte hartu zuen gero. Horrez aparte, margolari eta Kriskitineko dantzari ere izan zen. Iurretarra zen sortzez, baina Durangoko herri-bizitzan oso ezaguna.
Egilea
Markel Onaindia
Komunikabidea
Anboto
Tokia
Durango
Mota
Albistea
Data
2018/09/20
Lotura
Anboto

01:30 inguruan hil da Agirre, bere garajean eduki duen istripuan. Autoa sartzeko atea giltzaz zabaltzera zihoala, bere gainera etorri zaio autoa eta hormaren kontra harrapatu du. 

Politikagintzan egin zuen ekarpenagatik ezaguna bazen ere, kulturarekiko afizionatu handia zen. Kriskitin dantza taldearen sorreran egon zen, adibidez. Margolaritza ere gustuko zuen, eta gaur egun Kurutziaga akademiako ikasle zen. Bere lanak jendaurrean ere erakutsi izan zituen. Ofizioz komertziala izan zen.

Juanito Agirre dantzari, margolari eta zinegotzi ohia hil da

Agirre, Kriskitineko sorrera sasoietan, ezkerretik lehena. Argazkia: Kriskitinek 25 urte liburua.

Erreakzioak

Dani Maeztu zinegotziak (EH Bildu) penaz hartu du notizia. "Sekulako pena eta galera da, gainera era mingarrian izan da. Barru oso onekoa zan, beti laguntzeko prest. Nik lau urtez soilik kointziditu nuen beragaz, baina erlazio ona egin genuen eta sekulako pena hartu dut".

Ander Gorrotxategi Durangoko EAJko presidenteak ere koalizioan joan zirenean Agirregaz lan egin zuen, eta atsekabez hartu du albistea. "Beti harreman oso ona eduki dugu beragaz. Koalizioan ere, bere ideiak mantenduz, baina oso leiala izan zen. Hurbileko pertsona zen, ona, berbatia, beti umore onez egoten zena". EAJren izenean doluminak helarazi dizkio familiari. 

69 urteko gizonezko bat hil da garajeko atean autoak harrapatuta

Dokumentuaren akzioak