Hemen zaude: Hasiera Hemeroteka Jon Ibargurenek eta Idoia Besadak irabazi dute Euskal Herriko Dantza Txapelketa

Dokumentuaren akzioak

Jon Ibargurenek eta Idoia Besadak irabazi dute Euskal Herriko Dantza Txapelketa

Jon Ibarguren azpeitiarrak eta Idoia Besada pasaiarrak irabazi dute Euskal Herriko Dantza Txapelketa, Seguran. Bi ordu pasatxoko jaialdian 12 bikotek parte hartu dute eta 122 punturekin irabazi dute txapela eta Nestor Basterretxea eskultorearen garaikurra Ibargurenek eta Besadak.
Komunikabidea
Goierri Mendebaldeko Hitza
Mota
Albistea
Data
2012/10/14
Lotura
Goierri Mendebaldeko Hitza

Bigarren sailkatuak Amets Amubieta eta Maialen Aldalur gazte azpeitiarrak izan dira, 116 punturekin. Lehen aldiz parte hartu dute Euskal Herriko Dantza txapelketan, eta bigarren saria eskuratu dute.  Hirugarren Arkaitz Pascuas eta Nagore de las Cuevas sestaoarrak izan dira, 115 punturekin.

Hamabi bikotetatik seik lehen aldiz parte hartu dute aurten Euskal Herriko Txapelketan eta epaimahiko kideek jakitera eman dutenez, maila altua izan da aurten. Lan zaila izan dute irabazlea izendatzeko, eta berdin ondorengo postuetako dantzarien lana puntatzeko ere. Bigarren bikotetik hirugarrenera puntu bakarreko aldea egon da eta bigarrenetik laugarrenera hiru puntukoa (113 puntu). Honakoa da Euskal Herriko Dantza Txapelketaren 36.aldiko sailkapena:

1. Jon Ibarguren eta Idoia Besada (Azpeitia-Pasaia, 122 puntu)

2. Amets Amubieta eta Maialen Aldalur (Azpeitia, 116 puntu)

3. Arkaitz Pascuas eta Nagore De las Cuevas (Sestao, 115 puntu)

4. Lander Campos eta Haizea  Hormaetxea (Santurtzi-Leioa, 113 puntu)

5. Iker Sanz eta Lierni Kamio (Lezo-Villabona, 102 puntu)

6. Asier Ibarguren eta Garazi Gurrutxaga (Azpeitia, 100,50 puntu)

7. Eneko Iparragirre eta Udane Eskudero (Oiartzun, 92,50 puntu)

8. Beñat Monfort eta Naiara Larrañaga (Amasa-Zizurkil, 89 puntu)

9. Maria Camarero eta Goretti Galarraga (Tolosa-Ibarra, 86,50 puntu)

10. Xanti Leonet eta Izar Etxeberria (Oiartzun, 85 puntu)

11. Diego Duran eta Eneritz Manzisidor (Barakaldo-Portugalete, 75 puntu)

12. Oihan Martinez eta Ibabe Beristain (Trapagaran-Portugalete, 73,50 puntu)


Dokumentuaren akzioak