Dokumentuaren akzioak
Joaldunek Zubietatik Iturenerako bidea egin dute
Ituren eta Zubieta banatzen dituen hiru kilometrotako bidea osatu dute gaur Zubietako joaldunek. Bihar, asteartez, alderantzizko bidea egingo dute, ohiturari jarraituz.
Buruan ttuntturroa, lepoan zapi gorriska, soinean larruz estalitako atorra, gona zuria galtzen gainetik eta isipua eskuineko eskuan. Ohiturari jarraituz, Zubietatik Iturenerako bidea egin dute gaur joaldunek.
Urtero bezala, urtarrileko azken astelehenez egin dute herri bat eta bestea banatzen dituen hiru kilometrotako ibilbidea. Eguraldi kaskarra lagun izan badute ere, jendetza batu da Iturenen harrera egitera. Bihar, asteartez, kontrako bidea egingo dute. Iturendik Zubietara.
Joaldunak, Iturenerako bidean. (ARGAZKI PRESS)
Dokumentuaren akzioak
