Hemen zaude: Hasiera Hemeroteka Jaun txit gorenari

Dokumentuaren akzioak

Jaun txit gorenari

Mutil dantza ez da mutilena. Dantza ez da mutilena. Bada bat, inguru hauetan, neskak dantzan ikustean mintzen dena. Maskarada egunez, barrikada etxe aitzinean plantatua badu ere, etxetik ateratzen ez dena. Emazteak dantzan ari direlako egiten du protesta ixila. Hondarribiko alarde mistoak parean duen plastiko beltza bezalakoa da, baina bat da, pertsona bakarra. Xiberoko dantzak neskei esker biziraun zuela onartu bai, baina ez ditu plazan dantzari ikusi nahi. Eta baditu bere arrazoiak, ni bezalako inkulto-axolagabeek ezin ditugunak endelegatu.
Egilea
Joanes Etxebarria
Komunikabidea
Argia
Mota
Iritzia
Data
2014/09/07
Lotura
Argia

Berriki lagun batek iseka egin zion, erranez aurtengo pastoralean gehien maitatu zuena nesken dantzak zirela. Ez dakit trufaka ari zen edo zinez hala pentsatzen zuen, baina ordainean, lagunak telefono dei bat jaso zuen berantago, pertsona hain ilustre horrek bi muturreko emateko gogoa ukan zuela erran nahi ziolako. Eta telefono kabletik pasa ziren bestelako mehatxuak. Lagunaren euskara mailaz kritikak. Hoa euskara ikastera. Herra.

Batzuk, kulturalki hain bizia den herrialde honetan, jaun txit gorenak dira. Ez dut izenik botako, Kabanaren estiloan, aipatua denak soilik bere burua ezagutu dezan. Eta jakin dezan (dezaten) hemen ere badirela alarde mistoaren aldekoak.

Dokumentuaren akzioak