Jaiotz Osa dantzariak otsailaren 17an estreinatuko du bere ikuskizun berria
"Suddenly III" izena du eta Donostiako Egia auzoan aurkitzen den Gasteszenan ikusi ahal izango da otsailaren 17an arratsaldeko 8etan. Sarrerak jada salgai daude.
SINOPSIA: Eraikin baten gailurrean zaudenean edo altura handian dagoen balkoi batera irtetean, baliteke bertatik salto egiteko nahi antzeko bat sentitzea. Abiadura handian datorren tren bat iritsi aurretik ere halako zerbait sentitu dezakezu... Pertsona berezi horri eskua ematea pentsatzen duzun segundu hori, bere aurpegia ukitzeko tentazio hori. Burutik pasatzen zaizkizun instante horiek; hainbeste beldurtzen duten segundu horiek. Bertigoz beteriko momentu bat.
Zuzendaritza eta koreografia: Jaiotz Osa
Zuzendaritza laguntzailea: Xabier Mujika
Interpretazio: Jaiotz Osa
Jantziak + espazio eszenikoa: Xabier Mujika
Argiztapena: Josu Murgia
Argazkiak: Mariló Miguez
Bideoa: Raquel Rodriguez
