Dokumentuaren akzioak
Ordiziako agintarien soka dantza
Ordiziako zaindaria den Santa Anaren eguna da gaur. Tradizioa jarraituz, udal agintariek soka dantza egin dute Plaza Nagusian.
Santa Ana eguna ospatzen ari dira gaur Ordizian. Goizaldean hasi dira herrian ospakizunak, ohiko ‘matutina’ danborradarekin. Ondoren, San Bartolomeko zezen plazan bigantxak izan dira, jende ugari bildu dutenak.
Eguneko ekitaldi nagusien artean, batetik, meza nagusia eta ondorengo prozesioa izan dira, Irungo Musika Bandaren laguntzaz girotuak. Bestetik, eguerdian, soka dantza tradizionala dantzatu dute udal agintariek Plaza Nagusian. Ordiziako Udaleko ordezkariez gain, Leire Artola Beasaingo alkatea ere bertan izan da, ospakizunetan parte hartuz.
Arratsaldean, profesionalen arteko eskuzko pilota partidak izango dira: Egiguren V.-Erostarbe / Murua-Gaskue eta Altuna-Martija / Elordi-Zabaleta.
Dokumentuaren akzioak
