Dokumentuaren akzioak
Jaiak San Prudentzio 2025 San Prudentzio eguna ospatzen ari dira Lazkaon
Dantzariak eta txistulariak, soka dantzan.Izaro Villarreal
Bazkaltzeko tartea hartu eta 17:30etan hasiko dira arratsaldeko ekintzak: Zagupe aisialdi taldearen jolasak izango dira batetik, eta ‘Marieta Zirkus’ haur ikuskizuna bestetik. 19:00etan, Xaibor taldeak joko du herriko plazan, eta gaua borobiltzeko, Akerbeltz erromeri taldea izango da festa giroa alaitzen.
Aisialdi eskaintza gehiago
Txosnaguneetan ere bestelako aisialdi eskaintza bat egongo da gaur arratsaldean zehar: plazako txosnan, patata tortilla lehiaketa egingo dute 17:00etan hasita, eta bertsopoteoari ekingo diote ondoren. Aratz Igartzabal eta June Aiestaran goierritar bertsolariak izango dira kantuan, eta txosnagunetik hasita, herriko kaleetatik barrena kantatuko dute.
Skatepark-eko txosnan, berriz, kirol ikuskizun batez gozatzeko aukera egongo da arratsaldeko 19:00etatik aurrera.
Dokumentuaren akzioak
