Dokumentuaren akzioak
Iturengo inauterietan "erasoak eta irainak" salatu dituzte hainbat kamerarik
Informatzeko eskubidearekiko "errespetua" eskatu dute, agiri bateratu baten bitartez, bai eta beren lana "zorroztasunez" egiten utz diezaieten, inauterietan zenbait liskar izan ostean.
"Eraso" egin zieten pertsonak "anonimatua eta maskaren inputunitatea baliatuz" aritu ziren, haien aburuz, eta Iturengo herritarrak "ordezkatzen" ez dituztela nabarmendu dute, gertatutakoa salatzearekin bat.
"Erasoen" gaitzespena
"Eraso hauek arrisku larria dakarte eta aurpegiratzeko moduko jarrerak dira; heldugabetasunaren gorazarrea da, biolentzia ekintza eta informatzeko eskubidearen kontrako erasoa", esan dute prentsari igorritako oharrean.
Gisa horretako herri jaietara "informazioaren profesional gisa" joaten direla nabarmendu dute, "ez aisialdiarengatik ez eta dibertigarria delako ere".
Era berean, egindako "akatsak" onartu dituzte, baina azpimarratuz "askotan" lan egiten dutela "baldintza umiliagarrietan".
Herritarren ezinegona
Herritarren "egonezina" ulertzen dute, "masifikazioaren eta irudien zabalpen arduragabearen aurrean", baina, horregatik, "ezinbestekoa" deritzote "profesionalen jardun informatiboari".
Dokumentuaren akzioak
