Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Itsasi dantza taldearekin hasiko da Azpeitia Dantzan, uztailaren 1ean

Dokumentuaren akzioak

Itsasi dantza taldearekin hasiko da Azpeitia Dantzan, uztailaren 1ean

Emanaldi berezia izango da gainera herriko taldearentzat, 40 urte betetzen dituelako

Herriko hiru dantza talderen emanaldiarekin osatu da aurten Azpeitia dantzan egitasmoaren edizio berria. Hiru saio eta ehundaka herritar izango dira dan-tzan uztailean. Itsasi, Joxe Mari Orbegozoren saloiko dantza taldea eta Sahatsaren emanaldiak izango dira ikusgai, uztailaren 1ean, 9an eta 15ean.
Komunikabidea
Diario Vasco
Tokia
Azpeitia
Mota
Albistea
Data
2017/06/22
Lotura
Diario Vasco

Hala, Isasi dantza taldeak zabalduko du Azpeitia Dantzaneko programazioa. Itsasikoentzat gainera, emanaldi berezia izango da, 40 urte betetzen ditu taldeak, eta taldean ibilitako dantzari ohi ugariren parte hartzearekin osatu dute emanaldia.

«Dantzari ohiak gonbidatzea pentsatu genuen ospakizun honetarako, eta uste baino jende gehiago apuntatu da», azaldu du Itsasiko Leila Iraolak. Deialdiaz enteratu ez denak dantzarako aukerarik ez du izango, baina ondoren egingo duten afarian izen emateko aukera zabalik da. Emanaldian Euskal Herri osoko dantza tradizionaletik abiatu eta dantza modernoagoak ere eskainiko dituzte, uztailaren 1ean, 19:00etan Soreasun.

Uztailaren 9an saloiko dantzen tartea izango da. 4tik 75 urtera arteko 240 herritar inguru izango dira Soreasuko taula gainean, 20:00etatik aurrera.

Azkenik, kalean egingo dute dantza Sahatsakoek, uztailaren 15ean. Hala, plaza txikitik abiatuko dira, 20:00etan eta kalejira egingo dute, Plazan emanaldia osatzeko.

Aurkezpena. Udaleko eta ikuskizunetako ordezkariak.

Aurkezpena. Udaleko eta ikuskizunetako ordezkariak. / E.A.

Dokumentuaren akzioak